![GLIVICNI INFEKCII](https://panacea.mk/wp-content/uploads/2018/12/GLIVICNI-INFEKCII-696x464.jpg)
Доколку некогаш сте имале, тогаш ви познати симптомите за габичните инфекции: чешање, пецкање и рапава кожа, бел згрутчен исцедок на долната облека. Многу непријатна, но многу честа појава, со оглед на тоа дека речиси секоја жена ја имала оваа инфекција. Габичните инфекции се предизвикани од прекумерното растење на одредени видови габи, што доведува до нерамнотежа на бактериите во вагината. Доколку габичната инфекција ви се вратила, тоа може да биде многу повеќе од обична случајност. Ако може да ја идентификувате причината за појава на оваа инфекција, побрзо ќе може да спречите поголеми проблеми. Следниве шест фактори на ризик треба да ги знаете, бидејќи така најлесно ќе избегнете габични инфекции.
Нередовно менување на тампони
Габичките се размножуваат во окружување кое е богато со влага, а тампоните и хигиенските влошки ја задржуваат влагата, овозможувајќи им на габите да растат и да се размножуваат. Наједноставно решение е да ги менувате често, барем на секои четири часа, особено во жешките денови.
Антибиотици
Доколку користите антибиотици, од било која причина, тоа може вашиот целокупен екосистем да го исфрли од рамнотежа. Антибиотиците може да ги елиминираат здравите бактерии од вагината, дозволувајќи прекумерен раст на габите. За да ги поттикнете добрите бактерии, а со тоа да ги намалите шансите за појава на инфекција, најдобро е, со антибиотиците да земате и пробиотици.
Високо ниво на шеќер во крвта
Дали имате дијабетес или предијабетес? Внимавајте! Габите добиваат енергија од шеќерот, а инфекциите успеваат на влажните делови на телото, вклучувајќи ја и вагината. Доколку мислите дека шеќерот во крвта не е под контрола, задолжително отидете на лекар.
Однос со заразен партнер
Габичните инфекции може да бидат заразни! Габична инфекција може да ја добиете од партнерот кој имал орална инфекција или габична инфекција на пенисот.
Долна облека
Тесна долна облека направена од синтетички влакна, спречува „дишење„ на интимните делови на телото, со што се создава топло и влажно подрачје кое е погодно за размножување на габичките. Најдобро е да носите долна облека која е направена од природни ткаенини.
Користење на парфимирани хигиенски производи
Иако се чини како добра идеа, користењето на парфимирани хигиенски производи не се препорачуваат бидејќи може да доведат до пад на нивото на киселоста во вагината, а тоа може да резултира со габична инфекција. На тоа може да влијае дури и мирисната купка. Најдобро е да користите благи сапуни, и да избегнувате користење на парфимирани хигиенски влошки и тампони.