Ивана Трамп (73), првата сопруга на Доналд Трамп почина откако паднала по скали, а медицинските стручњаци сметаат дека причината за тоа е срцев застој. Ивана ја пронашол нејзин вработен, откако дошол во куќата во Менхетен.
Иако се уште се чека официјална потврда за причината за смртта, се упатува на срцев засот. Тоа се случува кога срцето одеднаш престанува да пумпа крв. Лицето тогаш губи свест, дишењето е неправилно, а пациентот може да нема и никаква реакција, односно да не дава знаци на живот.
“Честа причина за срцев застој е по живот опасен абнормален срцев ритам кој се нарекува вентрикуларна фибрилација (ВФ)“, објаснуваат од Британската фондација за срце.
Тоа е нарушување во кое електричната активност на срцето станува толку хаотична што срцето наеднаш престанува да пумпа крв и почнува да вибрира. Вентрикуларната фибрилација може да биде предизвикана од коронарна срцева болест, срцев удар, кардиомиопатија, вродени срцеви болести, болест на срцевиот залисток и акутен миокардитис. Срцевиот удар може да го зголеми ризикот од срцев застој, но во повеќето случаи тоа не води директно до него.
Но, секако е важно да се нагласи дека срцев удар и срцев застој не е исто. Имено, срцев удар настанува кога ќе се запуши една од коронарните артерии. Тогаш срцевиот мускул е лишен од крв и кислород што ги снабдува, а тоа, доколку не се лекува веднаш, може да доведе до тоа срцевиот мускул полека да почне да умира. Додека срцевиот застој е ненадеен прекин на пумпањето на крвта.
- Кои се причините за срцев застој?
Во повеќето случаи, причината е абнормален срцев ритам наречен вентрикуларна фибрилација. Тоа е нарушување во кое електричната активност на срцето станува толку хаотична што срцето наеднаш престанува да пумпа крв и почнува да вибрира. Вентрикуларната фибрилација може да биде предизвикана од коронарна срцева болест, срцев удар, кардиомиопатија, вродени срцеви заболувања, срцеви залистоци и акутен миокардитис. Срцевиот удар може да го зголеми ризикот од срцев застој, но во повеќето случаи тоа не води директно до него.
Срцевиот застој не им се случува само на старите луѓе. Непушењето, физичката активност и здравата исхрана го намалуваат ризикот од срцеви заболувања, но не можете да ги игнорирате гените, холестеролот и крвниот притисок. Некои лица може да наследат предиспозиција за срцеви болести.
- Дали срцевиот застој е секогаш смртоносен?
Срцевиот застој не мора да биде смртоносен, но неопходно е што побрзо да се побара лекарска помош. Вентрикуларната фибрилација може да се исправи така што срцето се “шокира“ со дефибрилатор достапен во возилата за итна помош.
Кога ќе се случи срцев застој, не треба да се губи време бидејќи се работи за состојба опасна по живот и потребно е веднаш да се повика брза помош. Додека чекате да пристигне брза помош, изведувањето на реанимација може да помогне да лицето се одржи во живот.
Реанимацијата се извршува така што се прават притисоци на срцето (срцето се принудува на работа однадвот, за да се одржи циркулацијата додека не пристигне итна помош). Потоа се врши вештачко дишење, односно дишење уста до уста за да се внесе воздух во белите дробови.
Како да се препознаат симптомите на срцев застој?
Симптомите по кои може да се препознае срцев застој се:
- Нелагодност во градниот кош
- Отежнато дишење
- Необјасниво шиштење (отежнато дишење)
- Слабост
- Забрзано чукање, треперење или срцебиење (палпитации)
- Несвестица
Една американско истражување покажало дека половина од пациентите (на возраст од 35-65 години) искусиле предупредувачки знаци претходно и тоа биле болки во градите и отежнато дишење (недостаток на воздух), кои започнале неколку недели пред срцевиот застој.
