Најчести симптоми дека телото не добива доволно магнезиум

Доколку ги забележите овие симптоми тоа е знак дека е крајно време нешто да преземете за да го надоместите недостатокот на магнезиум.

Знаци на недостаток на магнезиум, пред се, се грчеви во нозете во текот на ноќта, пореметувања во менструалниот циклус, особено изразен ПМС, гастроинтестинални грчеви и мигрена. Доколку ги забележите овие симптоми тоа е знак дека е крајно време нешто да преземете за да го надоместите недостатокот на магнезиум. До грчеви во мускулите најчесто доаѓа во сон, а толку се болни што резултираат со будење. Дури и кога ќе помине самиот грч, останува непријатното чувство на напнатост во нозете, како и стравот од повторна појава на грч. Од нив најмногу се погодени жените, спортистите, постарите лица и заболените од шеќерна болест.

Бидејќи повеќе од 30 отсто од трудниците патат од грчеви во мускулите, се препорачува редовно земање на магнезиум од почетокот на бременоста. Освен со непријатните грчеви недостатокот на овој минерал се манифестира и низ мигрени, болни менструации, како и изразен предменструален синдром.

Чувството на напнатост во градите, како и предменструалните грчеви се најкарактеристични симптоми на ПМС. ПМС се карактеризира и со зголемена нервоза и раздразливост. Повеќето од симптомите на ПМС можат да се намалат со доволен внес на магнезиум во вториот дел од циклусот.

Бидејќи магнезиумот го намалува опуштањето на невротрансмитерите во нервните клетки доаѓа до намалување на спроведувањето на нервните импулси, што е мошне корисно во ситуации на зголемена напнатост и стрес. Заради тоа магнезиумот е познат и како „природно средство за смирување.“

Со правилна исхрана можете да си осигурате доволни количества магнезиум, а го има во рибата, зелениот листест зеленчук, оревите, млекото, житарките од цели зрна и семки. Потребата за магнезиум се зголемува кај луѓето кои се под стрес, раздразливи се и склони на депресивни состојби, кои имаат проблем со грчевите во мускулите, жарење и забавено варење, како и кај спортистите.