Врската помеѓу прекумерното изложување на сонце и појавата на рак на кожа на сите им е добро позната. Но, често правиме некои работи мислејќи дека така подобро ќе се заштитиме од сонцето, не знаејќи дека всушност се изложуваме на поголем ризик.
Стручњаци од разни подрачја ги откриваат најголемите заблуди кога е во прашање заштитата од сонце.
Капење во маица
Носењето маица во текот на капењето може да звучи разумно и безбедно од изложување на гола кожа, но бидете свесни дека мократа маица овозможува продирање на повеќе ултравиолетова светлина од сувата маица.
“Мократа облека го зголемува ризикот од изгореници, оти ја намалува заштитата од УВ зраци. Мокра бела маица има фактор на заштита три, додека сува има седум. Црната и темносината маица имаат фактор на заштита 10. Цврсти ткаенини како ликра и полиестер, независно од бојата имаат многу повисок фактор, односно ликрата има дури 50“, вели проф. Паул Банвел, стручњак за рак на кожа.
Некористење на крема за сончање кога е облачно
“80% од сончевите зраци може да минат низ облаците. Не само што е можно да се изгори кога е облачно, туку е можно да се здобијат тешки изгореници, оти повеќето луѓе тогаш воопшто не се штитат од сонцето“, вели д-р Даниел Грас, водечки клиничар за рак на кожата од Норт Вест болницата во Лондон.
Претходно добиен тен, т.н. подлога
Многумина сметаат дека ова е еден вид на заштита. Но, според мислењето на стручњаците, такво нешто не постои.
“Ако се обидувате да добиете подлога пред одморот, и штетите на својата кожа. Од претходно добиен тен во солариум нема да ја пособри способноста на телото да се заштити од сонце“, советува проф. Андре Рајт од Универзитетот Брадфорд.
