Делта варијантата на коронавирусот, која во моментов е доминантна и кај нас и во поголемиот дел на светот, се разликува од претходните варијанти по тоа што е “поопасна и високозаразна“, повеќе од двојно од претходните варијанти на вирусот, предупредува Центарот за контрола и превенција на болести на САД. Покрај тоа, како што наведуваат тамошните стручњаци, се смета дека делта сојот кај невакцинираните лица може да предизвика потешка форма на болеста КОВИД-19, отколку претходните соеви.
Овие девет симптоми може да упатуваат на тоа дека причинител за болеста е делта варијантата.
- Симптоми кои наликуваат на оние на тешка настинка
Како симптоми на КОВИД -19 американскиот ЦДЦ меѓу останатите ги наведува и затнат нос и течење од нос, како и болка во грлото. Некои студии, како и со истражување на непоткрепени докази од праксата, упатуваат на тоа дека симптомите поврзани со носот и со грлото почести се кај делта, отколку кај останатите соеви. Проф. Тим Спектор, кој го водел британското истражување Zoe Covid Symptom study вели дека делта кај младите лица “може да биде повеќе како лоша настинка“. Поради тоа е важно да се следат сите симптоми и да се тестира во случај на сомнеж за КОВИД-19.
- Покачена температура или треска
Покачената телесна температура е многу вообичаена кај ковидот, но може да имате КОВИД-19 и без зголемена температура. Повеќето лекари не се загрижуваат се додека температурата е под 38 степени, а ако ја премине таа граница се смета за битна. Покачената температура не е лоша, смета д-р Ентони Фаучи, директор на Нациоанлниот институт за алергии и заразни болести, таа е знак дека вашиот имун одговор функционира. Но, секако е можен симптом за КОВИД-19.
- Може да кашлате
Кашлицата кај КОВИД-19 обично е сува (непродуктивна), освен ако немате основна белодробна болест поради која имате мокар или слузав искашлок, се наведува во Zoe студијата. Но, ако имате КОВИД-19 и почнете да искашлувате жолт или зелен секрет, тоа може да биде знак за дополнителна бактериска инфекција во белите дробови која треба да се лекува.
- Краток здив и отежнато дишење
Пошкотиите во дишењето се сериозен симптом што не треба да се игнорира. Според ЦДЦ, при следниве симптоми треба да се побара итна медицинска помош, без одложување:
* отежнато дишење
* болка или притисок во градите што не поминува
* конфузија
* лицето не може да остане будно или не може да се разбуди
* бледа, сива или сина кожа, усни или врвови на прстите, во зависност од тонот на кожата.
- Замор кој не поминува
Постојаниот замор е чест симптом на КОВИД-19. Според новата студија објавена во Лансет, таков замор може да трае и подолго од една година. Повеќе од половина од учесниците во оваа студија по најмалку една гдина од прележамиот КОВИД-10 имале барем еден симптом кој не исчезнал по инфекцијата. Се проценува дека околу 30 проценти од луѓето страдаат од постојан замор по КОВИД-19, а авторите на студијата објавија дека засегнатите лица страдаат од замор или мускулна слабост, проблеми при движењето, болка и непријатност, како и вознемиреност и депресија, со останати исцрпувачки проблеми.
- Болки во мускулите и телото
Д-р Фаучи предупреди дека кај долгиот КОВИД може да се појави мијалгија – болки во мускулите и телото – која може да биде предизвикана од почетната инфекција. Може да се чувствува, на пример, само како болка во вратот, но и интензивно и застрашувачки како срцев удар. Во секој случај, болката е необична и ако се појави, оправдно може да се посомнева на КОВИД-19.
- Главоболка
Кога се појави КОВИД-19 првите забележани симптоми беа сува кашлица и краток здив. Како експертите учат за новата болест,така списокот станува се подолг, па сега вклучува и интензивни главоболки што еден пациент ги опишал како „силно притискање околу главата, со необично чувство низ телото“. Други ги опишале како работа со бушилица.
- Новопојавно губење на вкус и мирис
Еден од првите идентификувани клучни симптоми на КОВИД-19 е губење на чувството за вкус и / или мирис. Според искуствата, кај заболените од делта варијантата, овој симптом е нешто поредок од порано, но сепак може да се појави и е јасен знак за КОВИД-19.
- Дигестивни проблеми
Гадење, повраќање и дијареа се симптоми на кои треба да внимавате, предупредува ЦДЦ. КОВИД-19 најпрво се нарекуваше респираторна болест, но се покажа дека ја попречува работата сите органски системи, вклучително и гастроинтестиналниот тракт.
Списокот на симптоми не ги вклучува сите можни симптоми, но постојано ќе се ажурира во согласност со новите сознанија, велат од ЦДЦ, предупредувајќи дека „повозрасните лица и оние со сериозни медицински состојби, како што се дијабетес или срцеви и белодробни заболувања, се со поголем ризик за развој на посериозни компликации од КОВИД-19.
