Според медицинската статистика има луѓе кои се алергични на луѓе, такви кои имаат реакција на мобилни телефони, постојат и лица кои се алергични на презеравтиви, на сорема, па дури и пациенти со несакана реакција на топлина.
Алергија на луѓе
Медицински е докажано дека е можно – да се биде алергичен на луѓе. Причината се должи на активирање на клетките од имунолошкиот систем, наречени мастоцити (тоа е вид на бели крвни зрнца или леукоцити). Познати се броени случаеви меѓу кои и таков за жена од Минесота, која била алергична на своите родители, а потоа развила и алергија кон нејзиниот сопруг, односно од неговиот мирис. Симптомите се како кај стандардната алергија – абдоминална болка, недостаток на здив, кивање, отекување, црвенило, чешање, вртоглавица и слично.
Алергија на мобилни телефони
Ова станува се почеста алергија, при која симптомите се црвенило и чешање во ушите и во образите, односно онаму каде што допира телефонот. Се смета дека алергијата всушност може да биде од електромагнетните бранови или, пак, од материјалот од кој е направен телефонот и особено од присуството на никел во нив.
Алергија на сперма
Алергијата всушност е на протеинот присутен во спермата, а не на самата сперма. Повеќето жени со ваква алергија исто така се алергични и на други протеини. Алергијата на семена течност се активира уште при првиот сексуален однос со маж и контакт со сперма, по раѓање или гинеколошка интервенција. Симптомите се изразени во црвенило, печење, чешање, осип и ја зафаќаат не само слузницата на вагината, туку и кожата по целото тело. При тешки алергиски реакции се јавува бел исцедок, болка, треска, повраќање, дијареа, отежнато дишење, отоци и губење на свест.
Алергија на кондоми
Постои алергија на преверзативи, но не е многу честа појава. Поконкретно се работи за алергија на латекс кој при контакт со кожата предизвикува црвенило, чешање, осип и топлина. Вообичаено оваа алергија се јавува после месеци или години на користење на кондоми. Кога ќе се појави, симптомите се јавуваат многу брзо по контакт со латексот или меѓу 8 и 48 часа по сексуалниот контакт. Ако забележите појава на мали бели меурчиња по кожата тогаш е можно алергијата да е од лубрикантот.
Алергија на топлина
Топлото време со температури над 40 степени Целзиусови, топол туш, топли базени, сауни, парни бањи се нешта кои можат да предизвикаат алергија на топлина, од која страдаат се повеќе луѓе. Симптомите се воспаление на кожата и нејзино обојување во темноцрвено, чешање, краток здив, конвулзии, итн. Дури јадењето премногу лута храна или утринското трчање во парк, може да предизвика ваква алергија на топлина, однсоно откако ќе се зголеми телесната температура.
