Истражување на американските научници, чии резултати се објавени во списанието Nutrition and Food Science, открива дека само една крушка дневно е потребна за намалување на ризикот од појава на обезност за дури 35%.
Во истражувањето учествувале 24.800 лица на возраст над 19 години. Научниците во период од девет години ги проучувале нивните вкупни жуивотни навики, вклучувајќи и навиките на вежбање и исхрана.
Резултатите покажале дека учесниците кои секојдневно јаделе крушка, имале помал ризик од појава на обезност (дебелина) и општо подобри животни навики. Не пушеле, поретко конусмирале алкохол и нивната исхрана била поздрава.
“Нашето истражување упатува дека постои позврзаност помеѓу честото консумирање крушки и намалениот ризик од појава на обезност, срцеви болести, различни типови на рак и дијабетес тип 2“, изјавила водачот на истражувањето д-р Керол О’Нил.
