Славите и празниците веќе се во полн ек, а со нив и богатите гозби. Во овој период, веројатно, почесто ќе бидете во ситуација да јадете посолена и помасна храна, па со самото тоа и покалорична храна и десерти. Можеме ли нешто да сториме однапред за да ги намалиме дигестивните тегоби во претстојниот период? Со помош на одделни намирници може да направиме мини-детокс пред празниците.
Потрудете се во исхраната да внесете повеќе зеленчук како што се моркови (богати се со каротеноиди, калиум и влакна), краставица и тиквички (зеленчук богат со вода, а сиромашен со калории), артичока (благотворно делува на цревата и цревната флора, како и црниот дроб), праз (богат со влакна и антиоксиданти кои го јакнат имунитетот), брокула (обилува со антиоксиданти кои го штитат имунитетот, белите дробови и дигествниот тракт) и овошје како што е ананасот (поттикнува варење и ја намалува надуеноста). Обидете се за ручек да внесувате зелена салата и варен зеленчук.
При приготвувањето на храната користете зачини кои се познати по своите поволни ефекти како што се циметот, кој го намалува апетитот, куркумата и ѓумбирот, кои имаат противвоспалително дејство, и коријандерот, лукот и кромидот, магдосносот, рузмаринот, кои поволно делуваат на имунитетот и го чистат организмот. Доколку повеќе ги користите овие зачини, а помалку сол ќе го ублажите и задржувањето течности во организмот.
