Пронаоѓањето соодветна поза за спиење е често невозможна мисија, па пред спиење со часови се превртуваме во кревет. Меѓутоа, најновото истражување ги открива најдобрите и најлошите пози за спиење кои влијаат врз нашиот сон и здравје, пишува „Дејли мејл“.
Фетус-положба
Елина Винел, тренер за спиење, изјавила дека луѓето треба да избегнуваат да спијат во положба на фетус, бидејќи тоа е штетно за здравјето.
„Ако спиеме во оваа позиција, на телото му испраќаме порака дека се бориме против нешто и дека не е безбедно да заспиеме“, вели Винел
Понатаму, таа вели дека е најдобро луѓето да спијат во отворена положба, бидејќи на тој начин им се отвора дишниот пат, овозможувајќи им да дишат подобро за време на спиењето.
Спиење на страна
Д-р Ерлих верува дека спиењето на страна е една од најдобрите пози за спиење. Исто така, препорачува дека покрај потпорна перница под главата, би требало да имаме и потпорна перница за телото.
Спиење на стомак
Шелби Харис, медицински експерт, смета дека оваа поза е најлоша за нашето тело.
„Спиењето на стомак создава притисок врз целото тело. Ако спиеме во таа положба, почесто ќе се будиме, ќе се вртиме и нема да имаме квалитетен сон. Исто така, спиењето во таа положба може да резултира со болки во мускулите и зглобовите“, вели Харис.
Спиење на грб
Многу експерти се согласуваат дека најдобрата поза за спиење е токму онаа на грб, mеѓу нив е и д-р Марк Т. Браун.
„Луѓето сакаат да спијат на грб со вратот и главата подигнати на повисоко. Тоа овозможува одмор за рамената и грбот, а благодарение на тоа, луѓето кои спијат во таа положба имаат квалитетен сон“, заклучил Браун.
