Мајките и ќерките имаат највисоко ниво на поврзаност, покажаа истражувањата, иако и без научни докази, сите ние тоа го знаеме.
Majките секогаш биле тука за нас. И кога сме ги направиле своите први чекори и кога сме станале жени. Во односот меѓу мајката и ќерката никој не може да се меша.
Во истражувањето е откриено дека нарушувањата во расположението мајката ги пренесува на ќерката. Научниците направиле МРИ скенирање на триесет и пет здрави семејства и откриле дека мајката и ќерката имаат слична анатомија кога станува збор за делот од мозокот кој ги регулира емоциите.
„Оваа поврзаност е значително поголема од односот мајка – син и татко – син“, изјавија истражувачите од „The Journal of Neuroscience“. Тоа значи дека жените имаат поголема веројатност да ги разберат емоциите на своите мајки отколку кој било друг.
Значи, следниот пат кога ќе имате лош ден, можеби би сакале да му се јавите на оној кој најдобро знае низ што поминувате – вашата мајка!
А доколку некогаш сте се чувствувале како да се претворате во својата мајка, сега имате и наука која ве поддржува во тоа. Наследната црта – тврдоглавоста, емоциите, размислувањето многу лесно се наследуваат од мајката.
