Современата медицина толку е напредната што врвните стручњаци успешно можат да спојат делови од телото кои во несреќи се отстранети од него, а по рехабилитацијата и опоравувањето се враќа нивната функција. Потребно е веднаш да се пристапи на постапката за чување на деловите кои треба да се пришијат назад, затоа што одделни делови можат да „преживеат“ два дена, некои еден, а некои само неколку часа.
На пример, отсечените прсти можат да се чуваат на топло најдолго 12 часа, додека на мраз можат да издржат и до 4 дена. Рака или нога можат да издржат околу 4 часа на мраз. Важно е откинатиот дел од телото да се стави во пластична ќеса и да се чува на мраз, но без директен контакт со мразот затоа што тој може да го оштети ткивото, додека потопувањето на деловите од телото во вода може да го отежни зашивањето. Не се сите делови од телото отпорни на пропаѓање како прстите. Мускулното ткиво, како што е она на рацете и нозете, многу побрзо пропаѓа. Ткивото на пенисот може да остане подолго на мраз и да биде погодно за пришивање.
Операција за пришивање на делови од телото
Првиот чекор во спојувањето на деловите од телото е спојувањето со крвните садови и воспоставувањето на нормална функција на крвотокот низ оштетениот дел. Без крв телото ќе го отфрли ткивото и тоа умира. Тетивите, коските и нервите, исто така, мораат повторно да се поврзат, а колку резот со кој делот од телото е отстранет е попрезицен и спојувањето е полесно. Ушите кои имаат мали артерии најчесто и најлошо се повредени затоа што речиси секогаш се искинати или одгризани. Во одделни случаи лекарите дури и скратуваат екстремитет или дел од телото што го пришиваат за подобро да се поврзе.
Речиси секој дел од телото може повторно да се зашие, само е важно да се посвети внимание на тоа да не помине многу време од моментот кога ткивото е отстрането. Особено кај децата, освен кога е во прашање отстранување на делови од телото заради некоја болест.
Ретрансплатацијата се врши уште од 70-те години на минатиот век, а првата успешна е извршена во Бостон во 1962 година и во Шангај една година подоцна. Во 2015 година лекарите успеаја да спојат череп на дете со неговиот сериозно повреден врат, а во 2016 е забележан случај на успешно поврзан ’рбетен столб кај некој глувци и куче. Затоа во последно време се повеќе се зборува за тоа дека ова отвора можност за пресадување на глава од донор што отвора многу полемики.
Некои од најбизарните случаи на повторно пришивање
На Еверт Ноулс му е споена десната рака и тоа во 1962 година и ова е првата ваква операција која била успешно изведена. Кејтлин Ласитер се подложила на поврзување на десното стапало без кое останала по возење во забавен парк. На Арсениј Матријас му се споени двете дланки кои му ги отсекла вакум машина на која работел. Пол Гибс ја имал таа несреќа да остане без уво откако паднал од мотор. Герент ла Фивер добил палец од ногата на местото на палецот од раката. Имал незгода додека работел со дрва и останал без прстот на раката. Ветеринарот Чанг По Ју си ја добил назад левата рака откако му ја одгризал крокодил. Емили Стинер била подложена на операција на спојување на скалпот после повреда која и ја нанел пит бул. Кучето и откинало голем дел од скалпот, но лекарите ја спасиле. Најголем предизвик бил да се пришие лицето на жена која се вика Сандип Каур. Кога имала 9 години целото лице и скалпот и ги отстранила машина во која и се закачила косата и и ја повлекла главата. Мајката која била во близина била во шок затоа што на девојчето буквално за секунда и исчезнало лицето во машината. За среќа, успеале да го најдат и брзо да ја однесат во болнива. Оваа девојка послужила како инспирација на лекарите кои веќе речиси редовно го изведуваат овој зафат врз пациентите на кои тоа им е потребно.
