Уште како мали научивме дека температурата повисока од 37 степени е знак дека треба да останеме в кревет и да одмориме. Работата е во тоа дека просечната температура не е 37 степени, како што верувавме досега. Овој мит води потекло уште од 19 век и од еден лекар, но и покрај сите докази дека не е точен се уште веруваме во него.
Во дамнешната 1851 година директорот на Универзитетската болница во Лајпциг правел визита одејќи од одделение до одделение. Сакал да утврди дека различните болести влијаат на телесната температура, па на пациентите под пазувите им ставал топломер кој е многу поголем од оној што ние денес го користиме. Топломерот им го оставал по 20 минути за да ја регистрира температурата. Врз основа на собраните податоци дошол до сознание дека просечната температура на човековото тело е 37 степени, а откако го објавил тоа во 1868 година ова важи како правило во медицината.
Неговите тврдења никој не ги преиспитал 140 години, додека професорот по медицина Филип Мековиак на Универзитетот Мериленд не решил ова да го провери. Тој отишол во музеј и дошол до овој топломер кој ги потврдил неговите сомнежи. Топломерот давал податоци само додека бил држен на место каде се мери температурата. Освен тоа мерењето на температурата под пазувите не е меродавно како она што подразбира ставање на топломерот во уста или во ректумот. Уредот не бил прецизен и мерел 2 степена повисока температура од денешниот.
Мековиак открил дека телесната температура варира во зависност од периодот од денот, возраста, но и сексуалните активности и физичките способности. Дошол до сознанија дека температурата е индивидуална и дека се разликува од личност до личност. На крајот предложил просечната температура да се поткрене од 37 на 37, 2 до 37, 5 степени.
Нашето тело троши многу енергија за да ја одржи телесната температура нормална, нашиот централен нервен систем прима информација дали ни е топло или ладно и ги проследува информациите понатаму. Податоците понатаму се претвораат во реакција.
СОВЕТ: Ако забележите дека температурата варира, обавезно посетете лекар и известете го за тоа колкава ви е температурата и како таа се менува во зависност од тоа како се чувствувате и со кои активности се бавите.
