Секој од нас понекогаш ‘рчи, меѓутоа, доколку ‘рчењето се повторува од ден во ден може лошо да влијае на квалитетот на сонот, а истовремено може да го наруши и сонот на другите членови од семејството. Луѓето чиј сон е проследен со интензивно ‘рчење можат и во текот на денот да чувствуваат умор, раздразливост и слични здравствени тегоби кои се јавуваат како последица на лошиот сон. ‘Рчењето може да се ублажи или, пак, потполно да се запре со помош на неколку начини, но доколку доаѓа до прекин на дишењето во текот на ноќта (апнеа) тогаш задолжително треба да се обратите на доктор. Првиот чекор во решавањето на овој проблем е да се пронајде причината, па дури после тоа да се преземат одредени мерки. Сепак, постојат неколку работи кои што можете да ги преземете на своја иницијатива се со дел да пробате да го спречите ‘рчењето.
Внимавајте на телесната тежина
До ‘рчење доаѓа кога воздухот не може слободно да помине поради блокирани дишни патишта, а личностите со вишок килограми обично имаат и слој масни наслаги кои дополнително го пореметуваат нормалниот проток на воздух. Затоа одржувањето на оптимална телесна тежина е добра превенција кај ‘рчењето, а корисно е да избегнувате и консумирање на алкохол и храна три часа пред спиење.
Оставете ги цигарите
Прекинете со пушење! Пушачите имаат поголеми шанси за време на спиењето да ‘рчат поради оштетување на дишните органи.
Спијте на страна
Избегнувајте да спиете на грб затоа што во таа положба јазикот и меките ткива се повлекуваат наназад и го отежнуваат дишењето.
Редовно чистете ги носните шуплини
Пред да отидете на спиење исчистете ги носните шуплини, корисно е да употребите и спреј за чистење.
Консумирајте гуми за џвакање без шеќер
Ако имате проблеми со дишните патишта, на два пати во текот на денот, по 20 минути џвакајте гуми без шеќер, на тој начин ги вежбате устата, јазикот и мускулите на лицето.
