Научниците велат дека речиси 50 отсто од случаите на рак можат да се спречат со здрава исхрана, редовно вежбање и оставање на цигарите. Но постои проблем! Луѓето секојдневно слушаат разни митови кои ги збунуваат. Милиони луѓе погрешно веруваат дека секојдневните навики предизвикуваат рак.
Да речеме, околу 40 отсто од возрасните сметаат дека стресот и прехранбените адитиви се главни причини за оваа тешка болест – иако нема докази кои со сигурност го тврдат ова. Третата погрешно обвинета причина се електромагнетните фреквенции како што е Ви-фи. 19 проценти од луѓето веруваат дека потенцијалната опасност доаѓа од микробрановите печки, а 15 отсто тврдат дека ракот настанува заради пиење од пластични шишиња.
Од друга страна, многумина не се ни свесни дека други навики НАВИСТИНА влијаат на можноста за добивање рак.
Пред се, се мисли на пушењето, нездравата исхрана, но и изгорениците од сонце, велат стручњаците од лондонскиот универзитет.
„Загрижува кога ќе видиме колку луѓе внимаваат на лажните фактори, а го игнорираат она што навистина може да им го зголеми ризикот од рак. Во споредба со претходни истражувања, бројот на луѓе кои веруваат во разно-разните тврдења и она што го читаат по социјалните мрежи значително е зголемен“, изјавил коавторот на студијата, доктор Семјуел Смит.
