Од вчера, американска компанија пушти во употреба домашен тест на вирусот SARS-CoV-2 и истите ги дистрибуира директно на потрошувачите.
Лицата кои имаат симптоми на вирусот ќе можат да поднесат барање за тестот преку интернет. Тие треба да пополнат прашалник кој го прегледува стручно лице, и тоа врз основа на специјалниот водич за КОВИД-19 што го подготви Центарот за контрола и превенција на болести.
Лекарот прво ја елиминира можноста за други респираторни болести и откако прашалникот ќе биде одобрен, лицето може да купи тест за проверка за заразеност со коронавирусот.
Кога лицето ќе го добие тестот, тој содржи се што е потребно за земање примерок, со одобрение од лабораторија. Лицето сепак треба да го достави примерокот во најблиската лабораторија, а дигиталните резултати може да ги очекува за 48 часа. Ваквите тестови, тврдат здравствените власти во САД ќе помогнат во дијагностицирање на нови случаи со коронавирус во земјите, а земањето примерок во домот ќе спречи понатамошно ѓирење на вирусот од заразено лице.
