Резултатите од најновите истражувања покажуваат дека имунитетот на коронавирусот трае најмалку една година, а по вакцинирањето можеби и цел живот.
Лицата кои се вакцинирале против КОВИД-19, а кои никогаш не биле заразени, најверојатно ќе треба да примат дополнителна инјекција, како и мал дел кои биле заразени, но кои не развиле силен имунолошки одговор.
Во двете студии биле проучувани лица кои биле изложени на коронавирусот, пред околу една година.
Клетките кои задржуваат меморија на вирусот опстануваат во коскената срж и може да исфрлат антитела кога тоа и да е потребно, покажува студија објавена вчера во списанието Nature. Друга студија, објавена на BioRxiv, веб страница за биолошки истражувања, открила дека обие таканаречени мемориски Б-клетки продолжуваат да созреваат и да се зајакнуваат најмалку 12 месеци по почетната инфекција.
Мемориските Б-клетки настанале како одговор на инфекција со вирусот SARS-CoV-2 и засилени со вакцинацијата се толку силни што спречуваат дури и соеви на вирусот, што значи дека нема потреба за довакцинирање, смета Мајкл Нусенцвајг, имунолог од Универзитетот Рокфелер во Њујорк, кој ја водел студијата за созревање на меморијата.
Лицата кои биле заразени и се вакцинираат навистина развиваат сјаен одговор, одличен збир на антитела, оти продолжуваат да развиваат свои антитела. Очекувам дека тоа ќе трае многу долго, вели д-р Нусенцвајг.
“Резултатот можеб нема да се однесува за заштитата што потекнува само од вакцината, оти иунолошката меморија по имунизацијатра веројатно ќе биде поинаку организирана во споредба со онаа по природната инфекција. Тоа значи дека лицата кои немале КОВИД-19 и кои се вакцинирани, можеби сепак ќе треба да примат дополнителна инјекција“, додава д-р Нусенцвајг и вели дека тоа ќе се знае многу скоро.
