Јогуртот поволно делува на нервниот систем и тоа така што намалува одредени активности во мозокот поврзани со чувствата за емоции. Јогуртот може да помогне во моментите на двоумење, бидејќи ги поттикнува импулсите заслужни за донесување на одлуки.
Група научници дошле до заклучок дека пробиотиците кои се наоѓаат во јогуртот, многу поволно влијаат на мозочните функции кои делуваат на расположението и прават да се чувствуваме порасположено. Тоа значи дека редовната консумација на јогурт ја намалува можноста за развој на депресија, а доколку веќе патите од депресија, може да ја намали.
За пошироката јавност се уште не се достапни сите податоци за јогуртот и материите кои ги поттикнуваат мозочните промени, но познато е дека одреден вид на бактерии кои ги има во храната, праќаат сигнали до мозокот, така што во одреден временски период, може да поправат некои мозочни функции.
Бидејќи храната е многу важна за правилно функционирање на организмот, постои надеж дека пробиотската терапија еден ден ќе биде корисна во лекувањето, не само на депресијата, туку и во други сериозни психички пореметувања, како што се анксиозност, Алцхајмерова болест и аутизам.
Позитивни резултати се забележани кај лица кои консумирале јогурт два пати дневно, и тоа после само еден месец.
Оваа пробиотска терапија, дефинитивно е корисна за општото здравје на организмот бидејќи го поттикнува варењето на храна, го јакне имунитетот, поволно влијае во одржувањето на телесната тежина и крвниот притисок. Ако јогуртот навистина може во позитивна смисла да го промени начинот на кој лицата реагираат, треба да го има во секој фрижидер.
