Една студија на Универзитетската клиника во Инсбрук покажа дека излекуваните лица од новиот коронавирус имаат стабилен долгорочен имунитет и дека не треба да стравуваат од нова инфекција или мутација.
Учесниците во студијата биле на просечна возраст од 44 години и во месец март биле болни од КОВИД-19, објаснува раководителот на студијата, Флориан Дајзенхамер.
Кај сите учесници биле откриени антителна и шест месеци по, за имунитетот потребни неутрализирачки антитела, што зборува за константен стабилен и долгорочен имунитет.
“Сите елементи на заштитен имунитет постојат“, нагласува Дајзенхамер.
Резултатите од студијата се поклопува со значајни меѓународни сознанија, додава тој, потсетувајчи дека научниците и во Исланд и во Њујорк дошле до истиот заклучок.
Тој нагласува дека излекуваните лица не мора да стравуваат од ново заболување, но укажува дека постојат исклучоци кои не се правило.
