Најново истражување на ООН: Нема безопасна доза алкохол

Според научниците, секоја година над три милиони жители во светот стануваат жртви на алкохолните напитоци.

Дури и минималните количини алкохол нанесуваат сериозна штета на здравјето и да ја зголемат веројатноста за предвремена смрт, срцеви заболувања, рак и несреќни слуачи, тврдат експерти на ООН во студија објавена во реномираното научно списание Лансет.

Според научниците, секоја година над три милиони жители во светот стануваат жртви алкохолните пијалаци.

„Собравме значителен број податоци по ова прашање. Сега можеме јасно да кажеме дека негативните ефекти на алкохолот исчезнуваат само ако тестираната количина е близу до нула. Митот дека една или две чашки алкохол се добри за здравјето се негира“, вели Емануела Гакиду од Универзитетот во Вашингтон.

Во последниве децении, научниците постојано ја докажуваа врската помеѓу консумирањето на алкохол и развојот на ракот и голем број други болести. Од друга страна, сепак, голем број истражувачи објавија податоци од студии кои го тврдат обратното дека умереното консумирање алкохол е покорисно за човечкото тело отколку апсолутната воздржаност.

Д-р Гакиду и нејзините колеги кои работат под покровителство на ООН ја спроведоа најдолготрајна проверка и анализа на разните тврдења досега. Тие ги анализирале основните податоци од речиси 1 500 научни студии.

Научниците проценуваат дека секоја година околу три милиони луѓе во светот умираат од болести или инциденти поврзани со алкохол. Најмногу погодени се мажи на возраст меѓу 16 и 49 години.

Лидерите во алкохолната смртност се земјите во Африка и поранешниот СССР. Прво место во негативниот рејтинг е Лесото (држава во Африка), каде што на 100 000 луѓе 140 се жртви на алкохолни пијалаци. На второ место е Русија, на трето е Централноафричката Република и четврта е Украина. По нив следуваат Латвија, Литванија, Казахстан и Белорусија.