Не е нималку необично повремено да се почувствуваат болки во зглобовите или коските, особено ако сте активни или пак учествувате во напорни активности. Тие болки во тој случај најверојатно се предизвикани од механичка повреда на мускулот, тетивата или лигаментите, како истегнување или воспаление.
Меѓутоа, понекогаш болките во зглобовите или коските, особено ако траат подолго време, може да бидат еден од првите знаци за артритис. На ова предупредува ревматологот Узма Хаке, која истакнува некои од најраните симптоми на артритис кои што повеќето од луѓето ги игнорираат.
Тоа се болки во зглобовите кои упорно не поминуваат, отекување и чувствителност на зглобовите, вкочанетост на зглобовите (особено наутро), чкрипење на зглобовите, болки во делови на телото кои претходно претрпеле некоја незгода, болки во препоните, симетрична болка во зглобовите, како и чувство на вкочанетост во рацете или стапалата.
Секој од овие знаци, предупредува д-р Хаке укажува на тоа дека постои некој проблем кој е потребно да се лекува или барем да се пронајде неговата причина бидејќи токму овие симптоми се први показатели на артритис.
