Епидемијата со КОВИД-19 полека се смирува во земјава, но и во многу други европски земји. И додека полека се навикнуваме на попуштени мерки за заштита од коронавирусот за делумно животот да се врати во нормала, многу стручњаци предупредуваат на веројатен втор бран на болеста.
Дотолку повеќе, научниците од Харвард минатата недела во стручното списание Science предупредија дека до 2022. година ќе искусиме смена на неколку пандемиски бранови.
Кога ќе дојде вториот бран?
“Традиционално луѓето размислуваат за вториот бран на КОВИД-19 во смисла на сезонскиот грип кој се враќа во зима. Не знаеме дали постои сезона кај новиот коронавирус, но може да замислиме дека кога ќе се вратиме во нормален живот преку летото, бројот на случаи на КОВИД-19 повторно да се зголеми“, изјави за лондонски Тајмс, проф. Робин Шаток од Империал колеџот во Лондон.
Дека годинава следи уште еден бран на КОВИД-19, уверен е и еден од водечките кинески инфектолози проф. Занг Венхонг од Универзитетот во Шангај. Тој смета дека новата болест нема да исчезне ова лето, туку е веројатно дека наесен ќе дојде до повторно избивање на епидемијата на КОВИД-19.
Доаѓаат ли и други зарази во бранови?
Заразните болести се однесуваат на различни начини. Но, пандемијата со шпанскиот грио во 1918 година, која однесе животи на помеѓу 50 и 100 милиони лица, се смета за клучен пример оти сеодвивала во три бранови до 1920, од кои вториот бран бил н најсмртоносен.
И останатите две пандемии на грип во 20. век – 1957 и 1968 година го “напаѓале“ човештвото во бранови. Пандемијата со свински грип (H1N1) започна во април 2009 година во Мексико, за да во САД и во Европа следеше втор бран наесен. Но, од друга страна, имаме пример на САРС (тежок акутен респираторен синдром) кој се појави 2003 година во Кина, се рашири во некои земји во нејзиното опкружување и во Канада, однесе животи на 800 до 8000 заразени, а потоа налето, истата година, исчезна.
Постојат ли докази дека коронавирусот се враќа во некои земји?
И покрај очигледниот успех на Кина во ставањето на болеста под контрола, во тешко погодената провинција Хубеи, неодамна е забележан раст на случаи со зараза со коронавирус. Сунгапур, кој беше фален поради ефикасниот одговор на инфекцијата, сега исто така бележи нагло растење на заболени од КОВИД-19.
Иако Сингапур воспостави силен систем на барање на контактите на заразените лица во општата популација, болеста повторно се појавила во делови на лоши хигиенски услови каде живеат работници од странство. Во понеделникот, во Дингапур се евидентирани дури 1426 нови слуачи, поради што земјата воведе строги карантински мерки. Внимание привлекува и помалиот пораст на бројот на инфекции во Германија, која исто така успешно се носи со пандемијата со КОВИД-19.
Зошто се загрижени научниците?
Заканата од некои болести се намалува кога чувствителноста на населението на болеста падне под одреден праг, кога се стекнува “колективен имунитет“ или кога е достапна вакцина.
Иако за новата болест КОВИД-19 последниве месеци се обајвија безброј научни студии, се уште не се располага со најмоќното оружје против неа, а тоа е ефикасни лекови и векацина. Ниту научниците се уште не знаат колку вкпуно лица стекнале имунитет против КОВИД-19, откако ја преболеле заразата. Не се знае ниту колку долго тој имунитет ги штити реконвалесцентните пациенти.
Размерот на чувствителни и имуни пореинци во популацијата на крајот од еден бран, ја одредува и потенцијалната сила на следниот бран на зараза. Но, со оглед дека за вистинскта стапка на заразата се нагаѓа, сите држави и натаму се многу ранливи на повторниот раст на бројот на заразени пациенти.
