Сонот би требало да ни помогне да се одмориме и релаксираме, но зошто тогаш ни се случува наутро да се разбудиме со болка и напнатост во грбот? Причината за овој проблем може да биде неадекватната положба за спиење.
Доколку повремено патите од болки во грбот од исклучителна важност е да најдете положба за спиење која нема да ги влоши постоечките проблеми. Кичмата би требало да биде во неутрална положба, а тоа е најлесно да се постигне со спиење на грб или на страна. Во таа прилика е исто важно да ставите и една перница под колената доколку спиете на грб или меѓу колената ако спиете на страна. Посветете внимание и при изборот на перница – перницата на која спиете треба да овозможува адекватна поддршка на главата и вратот.
Од друга страна, најлошата можна положба за спиење ако ве боли грбот е да спиете на стомак. Главата тогаш се врти на страна (едната или другата), а со тоа значително се оптоварува вратниот дел од ’рбетот.
