Составот на козјото млеко има најголема сличност со мајчиното. Ова очигледно го знаеле и старите народи, со оглед на тоа дека го препорачувале за зајакнување на имунитетот, лекување и зајакнување на белите дробови, како и против туберкулоза. Исто така, го намалува ризикот од појава на карцином на белите дробови, а може да го пијат и дијабетичарите.
Козјото млеко содржи витамини Б1, Б2, Б6, Б12 – важни за зајакнување на нервниот систем, а има и 47 отсто повеќе витамин А во однос на кравјото млеко. Калиум има 134 проценти повеќе додека бакарот го има во четири пати поголеми концентрации.
Обилува со минерали – калциум и фосфор кои се важни за цврстина на коските, како и цинк и селен – силни антиоксиданти важни за одржување на имунитетот. Козјото млеко треба да се пие и заради изобилството на олигосахариди кои делуваат противвоспалително, а истовремено ја регулираат пореметената функција на цревата, исто така, заради недостатокот на лактоза, односно млечен шеќер, што го соржи кравјото млеко во многу поголеми количества.
Кај возразните личности може да помогне во спречувањето на висок крвен притисок и атеросклероза. Поточно, калиумот е одговорен за одржување нормален крвен притисок и функции на срцето.
Единствениот проблем врзан за козјото млеко е во тоа што има карактеристичен мирис и вкус благодарение на слободните масни киселини кои ги поседува. Во секој случај козјото млеко има нутритивни и здравствени предности во однос на кравјото млеко, поседува антиалергиски својства и подобро се вари во однос на кравјото млеко – се вари околу 40 минути, а кравјото дури цели два и пол часа. Токму заради лесното варење посебно им се препорачува на постарите лица.
За подолго да трае козјото млеко може и да се замрзне, но заради вкусот не подолго од половина година. Еднаш одмрзнатото козјо млеко треба да се искористи во рок од една недела.
