Станува збор за УВ налепница, која е потенка од влакно и служи како растеглив сензор за кожата. Обликувана е за следење на изложеноста на кожата на УВ зраците и е поврзана со мобилен телефон кој својот корисник го информира за сигурна изложеност и заштита од сонце.
Налепницата има форма на проѕирен фластер кој се лепи непосредно на кој било дел на кожата. Неговата површина мери отприлика еден квадратен сантиметар, додека неговата дебелина е 50 микрометри. Налепницата содржи фотосензитивни бои кои се прилагодуваат на основниот тен на кожата и ја менуваат бојата кога се изложени на УВ зраци, при што означуваат различни степени на изложеност на сонце.
Оваа нова технологија се појавува во време кога изложеноста на сонце претставува голем здравствен проблем, при што 90 % од немаланомските карциноми на кожата се поврзуваат со изложеноста на ултравиолетовото зрачење на сонцето, кое е одговорно и за проблемите со пигментација на кожата и фото стареењето. Последните студии покажуваат дека и покрај фактот дека 88 % од популацијата во светот ги препознава опасностите од изложеноста на сонце без заштита, дури четири од 10 лица не размислуваат за употреба на производи за заштита од сонце дури и кога не се на одмор.
