Локалните реакции на местото на вбризгување, како црвенило, оток или болка на местото на убодот, како и нуспојавите од типот на зголемена температура, замор, мачнини и болки во мускулите, се некои од непријатните, но очекувани пропратни појави предизивикани од вакцината против коронавирус. Овие тегоби најчесто се знак дека вашето тело гради имунитет и по правило поминуваат за неколку дена. За среќа, консумирањето на одредени намирници пред и по вакцинацијата може забележително да ги намалат тие несакани ефекти.
Внесот на течности исклучително е важен за здравјето, а за организам оптоварен со вакцина, може да биде од клучна важност, особено ако сте развиле симптоми како покачена телесна температура. На прво место е водата, а потоа се препорачливи билни чаеви. Одличен избор е чај од ѓумбир, кој е безбеден традиционален лек за гастроинтестинални тегоби кој ќе го намали чувството на мачнина.
Она што секако треба да се избегнува во овој период пред и по вакцинирањето е исцрпување на организмот со пост или детоксикација.
“Развојот на имунитет зависи од тоа како организмот ги ’чита’ упатствата од вакцината и ги синтетизира антителата и белите крвни клетки, а за тоа се потребни одредени протеини од исхраната“, вели Роналд Хофман, лекр од Њујорк.
Исто така треба телото да се одмора и да му се обезбедат доволно часови сон и лесна физичка активност. Важно е, организмот да не се исцрпува.
Препорачливо е да се почне да се внимава на исхраната и изборот на намирници, неколку недели пред заканиот термин за вакцинирање и така да се зајакне телото и да се овозможи посилен имунолошки одговор на организмот на вакцината. Здрава, медитеранска исхрана и во овој случај е најдобриот избор оти делува противвоспалително. Многу зеленчук, овошје, интегрални житарки, омега-3 и незаситени масти (како оние во маслиновото масло), риба и месо од живина, треба секојдневно да се најдат на чинијата, а во исхраната е препорачливо да се вклучи и грав и јајца. Внесот на млечни производи и црвено месо треба да се ограничи.
Неколку дена пред примање на вакцината се препорачува храна со низок гликемиски индекс, заради одржување на стабилно ниво на шеќерот во крвта. Имено, истражувањата покажале дека понсикото ниво на глукоза има тенденција на антивоспалително делување. Храна која го одржува нивото на шеќер на здраво ниво се зелен зеленчук, мешунки, леб од инегрални житарки, бобинки, јаболки и секако здрави немасни протеини (белковини) како јајца и јаткасти плодови. Освен тоа, здрава пилешка супа преполна со зеленчук, секогаш е одличен избор за оброк.
Имунолошкиот одговор на вакцината варира и зависи од поединец до поединец. Еден дел е поврзан со возраста – како старееме, така имунитетот слабее. А, влијание има и виот на примената вакцина. Важен ефект на имунолошкиот одговор на вакцината, но и на имунитетот општо има и здравиот цревен микробиом.
“Разновидната и здрава микробна заедница во цревата директно ќе влијае на имуниот систем“, вели д-р Тод Борн, лекар и сертифициран стручњак од Вашингтон. Тој препорачува исхрана богата со влакна и ферментирана храна и советува со таквиот режим на исхрана да се почне две недели пред примањето вакцина и да се продолжи најмалку две недели потоа.
Исхраната богата со влакна поттикнува раст на корисни бактерии, а ферментираната храна, од јогурт и кефир, до кисела зелка, може да помогне во подобрување на цревните микроби кои го поддржуваат имунолошкиот одговор.
Досегашните студии покажале дека некои пробиотски организми, како lactobacillus rhamnosus, може да го подобрат одговорот на антителата на вакцината. Овој и други здрави лактобацили може да се најдат во кефир, јогурт и некои други ферментирани напивки.
Д-р Борн, исто така истакнува дека домашната супа нуди одлична поткрепа на имунитетот. Тој советува да во неа додадете исчекан лук и кромид, изрендан ѓумбир, сок од половина лимон, свеж магдонос и едне изрендан или исечкан морков во еден литар пилешки, зеленчуков или бујон од печурки. Динствувајте 15 минути, а на крај доадете го магдоносот и лимонот.
Додека уживате во одличната и пред се здрава супа, пуштете ја омилената музика и препуштете се на позитивни мисли. Имено, триесетгодишно истражување покажало дека стресот, депресијата и осаменоста можат да го нарушат одговорот на имуниот систем на вакцините. Затоа негувајте го вашето тело со здрава храна и напивки, останете хидрирани, одморајте и бидете расположени. На тој начин ќе му понудите на имуниот систем најдобра можност добро да реагира на вакцината и побрзо да се опорави и закрепне.
