Високиот крвен притисок е заболување од кое патат многумина, а се претпоставува дека бројката е двојно поголема меѓу оние кои се уште не се обратиле за медицинска помош. Загрижувачки е тоа што луѓето кои патат од висок крвен притисок спаѓаат во оние со висок ризик од срцев и мозочен удар. Сепак, постојат начини по природен пат да го спуштите притисокот, а главно се однесуваат на промената на исхраната.
За да имате најдобри резултати најважно е да јадете многу овошје и зеленчук. Но јагодите се издвојуваат како најефикасни за намалување на крвниот притисок.
Студијата која е објавена во научниот магазин „American Journal of Clinical Nutrition“ се бавела со истражување на дејството на ова овошје врз крвните садови. Анализирани се здравствените картони на 156 000 пациенти, но се набљудувани и навиките во исхраната, односно колку овошје внесувале во организмот.
Студијата докажала дека антацијанините и флаваноидите кои се наоѓаат во јагодите мошне поволно влијаат на намалување на крвниот притисок.
Со внесување на антацијанините го намалувате ризикот од заболување од хипертензија за 8 отсто.
„Антацијанините и флаваноидите можат да се сметаат за материи кои делуваат превентивно во однос на ова често заболување“, истакнуваат научниците.
Покрај консумирањето јагоди, постојат уште измени во исхраната кои би требало да ги направите за да го намалите крвниот притисок и да ги ублажите симптомите на оваа болест. Одбегнувајте големи количества сол, алкохол и цигари. Одржувајте ја телесната тежина на оптимално ниво, па, секако, подобро ќе се чувствувате. И она што е најважно – слушајте ги советите на вашиот лекар и редовно земајте терапија.
