‘Рчењето се случува поради поминување на воздухот низ грлото додека дишеме за време на спиењето. Ова предизвикува вибрација на опуштеното грло во ткивото што доведува до појава на гласен иритантен звук. ‘Рчењето може да го уништи вашиот или сонот на партнерот, а може да биде знак и за сериозни здравствени пореметувања:
- Апнеа;
- Дебелина;
- Проблеми со синусите или грлото;
- Проблеми со спиењето.
Ова се некои совети – трикови кои ќе го олеснат ‘рчењето.
Намалување на телесната тежина
Ако имате вишок килограми, обидете се да ги промените животните навики и да намалите од телесната тежина. Со тоа се намалува количината на ткиво во грлото што предизвикува ‘рчење.
Спиење на страна
Спиењето на грб понекогаш предизвикува да јазикот се помести подлабоко кон грлото што го блокира влезот на воздух низ грлото. Обидете се да спиете на страна за воздухот полесно да поминува.
Лекувајте ги хроничните алергии
Алергиите може да го намалат влегувањето на воздух низ нос, поради што мора да се диши преку уста. Побарајте лекарска помош за алергијата.
Исправете ги структурните проблеми во носот
Некои луѓе од раѓање или по повреда имаат девијација на септумот. Тогаш доаѓа до несовпаѓање на ѕидот на едната и другата страна на ност и така се ограничува протокот на воздух. Ова може да предизвика дишење низ уста.
Избегнувајте алкохол пред спиење
Немојте да пиете алкохол барем два часа пред одење во кревет. Алкохолот може да ги опушти мускулите на грлото и да предизвика ‘рчење.
Престанете да пушите
Оваа навика може да го влоши ‘рчењето.
Спијте
Обидете се да си обезбедите квалитетен сон, најмалку седум часа во текот на ноќта, бидејќи ненаспаноста е една од можнте причини за нагласено ‘рчење.
