Во лето голем е бројот на оние кои бираат да спијат во климатизирана просторија или во близина на вентилатор, наместо да се потат – а всушност прават огромна грешка. Експертот за спиење Марк Редик открива дека спиењето со, на пример, вклучен вентилатор е лошо за здравјето затоа што може да резултира со алергии или да доведе до компликации кај болните од астма.
„Тоа може да доведе до напади на астма и сушење на очите, а така е затоа што вентилаторите ја креваат прашината во собата која потоа влегува во синусите. Затоа ако сте подложни на алергии, имате астма или пелудна треска, одбегнувајте да спиете со вентилатор“, вели Редик и додава дека вентилаторот ја суши и кожата.
Препораката на Редик е – наместо под клима или во соба со вентилатор да спиете во добро затемнета просторија. Пред спиење препорачува туширање и да се одбегнуваат алкохол и газирани пијалаци.
