Губење на косата е честа појава која му се случува на секој човек во текот на животот. Постојат многу причини за губење на косата, а најчести се генетските предиспозиции, семејната историја и, секако, самиот процес на стареење. Познато е дека губењето на косата е можно во време на големи стресови, големи промени во исхраната и хормонска нерамнотежа.
Губењето до 150 влакна дневно се смета за нормална појава
Последиците од губење на косата кај мажите може да се забележат веќе на возраст од 30 години, па и порано – косата се проретчува или опаѓа, па на темето се јавува округла површина без коса. Според статистичките податоци, губењето на косата се јавува кај 70 проценти од мажите.
Причината за опаѓање на косата се уште не е целосно јасна, но докторите се согласуваат дека постојат повеќе фактори, како што се:
- стрес
- анемија
- генетика
- болести на тироидната жлезда
- хормонски нарушувања
- габи
Препарати против опаѓање
Постојат илјадници препарати за кои производителите тврдат дека го зголемуваат растот на косата или го спречуваат нејзиното опаѓање. За многу витамини, шампони, регенератори и други производи, се тврди дека на некој начин им помагаат на мажите во оваа ситуација. Користењето на овие препарати е прашање на избор.
Кои витамини помагаат?
Дневна доза на витамин Б, цинк, железо и калциум се разумен избор. Поновите студии го споменуваат и витаминот Д како добра опција. Не претерувајте со внесување на витамин А, бидејќи според некои истражувања може да има спротивен ефект.
Како да го спречите опаѓањето на косата?
Правилната нега на косата е добар почеток. Одржувајте ја косата чиста користејќи благи шампони. Здравата исхрана е, исто така, битен фактор. Не заборавајте да внесувате во организмот доволно железо, калциум и витамини. Грицкајте семки од тиква и пијте зелен чај.
Здравјето на косата зависи од здравјето на целиот организам
Во нашиот организам се е меѓусебно поврзано, па затоа здравјето на косата зависи од здравјето на целиот организам. Ако имате проблеми со губење на косата, алтернативната медицина препорачува да ја подобрите вашата исхрана, да се ослободите од лошите навики, да го намалите стресот и да почнете да се занимавате со спорт. Квалитетот на исхраната е многу важен, неопходно е да го зголемите внесот на еколошки одгледувано овошје, зеленчук и свежи сокови.
