Научниците од Универзитетот Оксфорд набљудувале 500 илјади луѓе, а посебен акцент бил ставен на консумирањето риби. Истражувањето довело до заклучок дека оние кои консумирале риба минимум три пати неделно имале за 12 отсто помал ризик од добивање рак на дебелото црево од оние кои јаделе една порција неделно.
Дури и децата знаат дека премногу масна храна не е здраво. Нашиот организам особено го оптоваруваат животинските масти не само со калории кои се подоцна видливи на нашето тело во вид на сало, туку и, пред се, здравствено. Кај жените кои консумираат премногу масна храна, ризикот од заболување на рак на дојка е и до 55 отсто.
Порциите не мора да бидат големи што значи дека е доволно да изедете околу 360 г риба неделно. Омега-3 масните киселини во рибата не само што се обидуваат да го спречат создавањето на малигните клетки, туку го запираат и понатамошниот развој на веќе формираните. Кај личностите заболени од рак, кај кои рибата е често на трпезата, постои голема шанса канцерогените клетки во нивниот организам понатаму да не се развиваат.
Помасните риби се особено делотворни кај намалувањето на ризикот од појава на рак. Се препорачува консумирање на сардина и лосос.
