Првиот чекор кон здравата кожа е правилната исхрана. Ако сте љубител на хамбургери, пица или пржени компири немојте да очекувате завиден тен. Кожата ќе ви се оддолжи само ако и обезбедите хранливи намирници.
Бета каротен
Овој претходник на витаминот А има антиоксидантен ефект. Го има во овошјето и зеленчукот, а особено во плодовите со жолта и портокалова боја: портокал, диња, лубеница, праски, морков, домат, пиперка, магдонос, цвекло и тиква.
Витамин А
Помага во зачувување на природната еластичност на кожата и ја одржува потребната количина на влага во кожата. Многу е корисен во борба против брчките. Во чиста форма витаминот А се содржи во млекото, јогуртот, сирењето, морските плодови, туната, лигњите и јајцата. Организмот подобро ќе го апсорбира ако во истиот оброк изедете мала количина маснотии, бидејчи овој витамин се топи во масти.
Цинк и селен
Штитат од влијанието на слободните радикали и го подобруваат процесот на обновување на клетките. Двата минерала се содржат во тестенините, лебот, интегралниот ориз, квасецот, ‘рж, соја, бело и црвено месо, риба.
Витамин Ц
Го неутрализира штетното влијае на слободните радикали, ги јакне ѕидовите на крвните садови кои топлинските зраци на сонцето многу често ги оштетуваат. Се содржи во блитвата, зелката, компирот, магдоносот, зеланата салата, спанаќот, доматот, кивито и агрумите.
Витамин Е
Одржува еластичност на ткивата и е еден од најделотворните антиоксиданти. Се содржи во билните масла (маслиново и масло од житарки), соја, јаткасти плодови, зеленчук со темнозелени листови, млеко, јајца и изнутрици.
