Алкохол – Велат дека чаша црно вино е добра за здравјето, но алкохолот може да биде главен виновник зошто телото не добива доволно калциум. Претераното консумирање алкохол влијае на панкреасот и ја попречува апсорпцијата на калциум и витамин Д, а освен тоа го зголемува производството на хормонот кортизол кој е потенцијално деструктивен за коските. Ако со пијалокот имате навика и да пушите, време е да престанете, бидејќи така ќе ги уништите коските.
Газирани пијалаци – Овде не се проблем меурчињата, туку количината кофеин и фосфорните киселини присутни во некои од освежителните напитоци, кои доколку се консумираат во голема количина може да ја попречат природната апсорпција на калциумот.
Сол – Грижата околу претераното консумирање на шеќер има земено толкав замав, па често забораваме дека преку исхраната внесуваме повеќе сол отколку што е потребно. Солта се крие скоро секаде, а влијае на апсорпцијата на калциум, така што телото прави баланс. Секој пат кога базната киселина во организмот се дисбалансира, телото ќе настојува да ја обнови количината на калциум, а знаеме дека калциумот го има најмногу во коските. Резултат се ослабени и кршливи коски.
Премногу протеини – Со прекумерното внесување на намирници богати со протеини може да се поремети пХ вредноста во организмот, што влијае на количината на калциум. Совет е да се обидете да не ги преминувате препорачаните дневни дози, а тоа е околу 45гр протени кога станува збор за жените.
Кофеин – Доколку здраво и балансирано се храните, пиењето кафе нема ви наштети, но внимавајте на акумулацијата на кофеин во организмот, кој по подолго време може да биде опасен за коските.
