Лук – познат е како „убиец“ на вирусите. Поволно делува на имунитетот благодарение на високата концентрација на сулфурни соединенија како што е, на пример, алицинот. Освен што го јакне имунитетот лукот го регулира крвниот притисок и ги намалува шансите за развој на атеросклероза.
Брокула – обилува со витамини А, Ц и Е, како и антиоксиданти и влакна, благодарение на кои овој зеленчук поволно делува на имунитетот и му помага на организмот да се ослободи од токсините.
Спанаќ – не само што е богат со витамин Ц, спанаќот претставува и одличен извор на каротеноиди кои ги зголемуваат одбранбените способности на организмот.
Цитрусно овошје – лимон, лимета и грејпфрут се најпознати по високото количество на витамин Ц што го содржат, на кој сите помислуваме кога зборуваме за превенцијата од настинка и грип. Имено, се смета дека овој витамин го поттикнува производството на бели крвни зрнца.
Бадеми – претставуваат добар извор на витамин Е, кој како и витаминот Ц е неопходен за силен имун систем.
Семки од сончоглед – обилуваат со витамини Е и Б6, како и со железо, цинк и магнезиум. Адеквантниот внес на цинк помага во превенцијата од настинка, а се покажало дека овој минерал го зајакнува имуниот систем кај постарите лица.
Зелен чај – овој чај (а во помало количество и црниот чај) содржи моќни антиоксиданти како што е епигалокатехин галат (ЕГЦГ) кој ги подобрува функциите на имунолошкиот систем. Зелениот чај содржи и аминокиселина Л-теанин што ја зголемува активноста на Т-лимфоцитите, кои не штитат од инфекции и тумори.
Јогурт со пробиотски култури го стимулира имунитетот одржувајќи ја цревната флора и помага во одбраната од причинителите на болести.
Ѓумбир – ги ублажува воспалителните процеси во телото и ја намалува шансата за развој на хронични заболувања. Чајот од ѓумбир ги намалува болките во грлото и кивавицата, го подобрува варењето и ја ублажува евентуалната мачнина.
Куркума – куркуминот, активна состојка на овој зачин, има антивирусни и антиинфламаторни својства. Благодарение на своето имуномодулаторно дејство, куркумата, исто така, помага кај проблеми како што се алергијата, артритисот, атеросклерозата и срцевите болести.
