Доколку на одредени делови од телото, на пример, на стомакот, задникот или колковите, имате масни наслаги кои сакате да ги „стопите“ освен редовната физичка активност (во вид на аеробен тренинг) во тоа во голема мера може да ви помогнат и одделни намирници.
За да го поттикнете согорувањето на мастите во менито треба почесто да вклучувате овошје, како што се лимонот и јаболката, потоа зачини како што се биберот и циметот, напитоци како зелениот чај и кафето, како и житарки.
Важни се и намирниците кои изобилуваат со протеини како што се млечните производи (најдобри се оние со 0% масленост), јајцата и месото од живина (пилешко и мисиркино).
Не заборавајте на медот
Освен ова, а доколку вашиот метаболизам е „заспан“ и имате проблем со запек, добро е во секојдневната рутина да го внесете и овој напиток со мед. Познато е дека медот е една од најздравите намирници, а неговото секојдневно консумирање е најдобар начин во целост да се искористат неговите добри страни.
Потребно:
- 2 дл млака вода
- 1 полна лажица мед
Начин на приготвување: Добро измешајте ги водата и медот, почекајте тој во целост да се растопи, а потоа испијте. Водата треба да биде млака, не врела затоа што високата температура ги уништува хранливите состојки и сите благотворни материи во медот.
Како делува водата со мед?
Го олеснува преминот на храната во дигестивниот систем, односно од тенкото во дебелото црево; ги неутрализира гасовите; го смирува желудникот; одличен е за детоксикација; со додаток на лимон станува сојузник во слабеењето; делува антибактериски; ги олеснува алергиите и го регулира нивото на шеќер во крвта.
