Маслиново масло – богато е со мононезаситени масни киселини кои ги регулираат нивоата на ХДЛ и ЛДЛ холестерол.
Авокадо – исто како и маслиновото масло, претставува одличен извор на мононезаситени масни киселини, додека истовремено содржи бета-ситостерол, фитостерол кој ја намалува апсорпцијата на холестерол од храната. Бета-ситостеролот се користи за намалување на нивоата на холестерол во крвта и во превенцијата на срцеви заболувања.
Куркума – овој зачин содржи куркумин кој го намалува нивото на ЛДЛ холестерол, како и нивото на триглицериди, додека го зголемува нивото на ХДЛ холестеролот. За куркуминот подобро да се апсорбира најдобро би било куркумата да ја користите во комбинација со црн бибер и маслиново масло.
Лук – го намалува нивото на хоестерол, ги намалува шансите за создавање крвни згрутчувања, го намалаува крвниот притисок додека истовремено штити од инфекции.
Масна риба – сардини, скуша, лосос и харинга обилуваат со омега-3 масни киселини, го зголемуваат нивото на ХДЛ холестерол и помагаат во превенцијата од срцеви заболувања и деменција.
Овес (овесни снегулки, производи од овесно брашно) – содржи бета-глукани кои го апсорбираат ЛДЛ холестеролот, кој потоа природно се елиминира од телото.
Грав – богат е со влакна, благодарение на тоа ја намалува апсорбцијата на холестерол од одделни намирници и го намалува нивото на вкупен холестерол.
Ореви – го регулираат вкупниот и ЛДЛ холестеролот – една студија покажала дека со консумирање на 40 г ореви, 6 пати неделно, доаѓа до намалување на вкупниот холестерол за 5,4 % и ЛДЛ холестеролот за 9,3 проценти.
Црно чоколадо – истражување од 2007 година покажало дека какаото го зголемува нивото на ХДЛ холестеролот.
Црн чај – освен што обилува со антиоксиданти кои учествуваат во превенцијата на карцином, црниот чај го држи нивото на ЛДЛ холестерол под контрола. Истражување од 2003 покажало дека црниот чај веќе после три недели редовно консумирање го намалува нивото на липиди во крвта за 6 до 10 отсто.
