Ако испиете малку чај од нане, тоа ќе ви помогне со грчевите и гасовите. Во случај да патите од киселина, чајот од камилица или некој сличен смирувачки растителен чај би требало да помогне. Избегнувајте гуми за џвакање без шеќер зашто вештачките засладувачи во нив може да предизвикаат гасови, надуеност и подждригнување.
Јогурт – најобичен незасладен јогурт е добар во случај на грчеви и гасови во желудникот, но неговите пробиотици помагаат и при пролив од антибиотици. Така е затоа што со јогуртот во организмот внесуваме здрави желудочни бактерии кои, исто така, ја намалуваат болката во тоа подрачје.
Јаболков оцет – може да ги реши тегобите со варењето во случај да настанале заради недостаток на киселина во желудникот, а со оглед на тоа дека е доста јак, доволно е да се помеша една супена лажица или две со топла вода и да додадете малку мед. Јаболковиот оцет, исто така, содржи витамини Б и Ц.
Ориз – намирница која лесно се вари, а го засилува впивањето на течностите. Оризот, во случај на пролив, може да ја врати столицата во нормална состојба, а помага и со непријатното чувство во желудникот благодарение на скробот кој се зафаќа на слузницата од желудникот.
Ѓумбир – може да помогне во случај на повраќање и мачнина. Измешајте неколку парчиња ѓумбир со вода што врие и оставете да киснат неколку минути. Се разбира, поедноставно ќе биде ако купите чај од ѓумбир.
Сок од алое – станува збор за билка која служи за ублажување на изгорениците, но добра е и за киселини и други желудочни тегоби. Сокот од алое вера ќе ги исфрли отровите од телото, но бидете внимателни зашто може да делува и како лаксатив, зависно од количеството кое ќе го испиете.
Банани – доколку сакате банани, имајте на ум дека тоа овошје е одлично за „немирен“ желудник и ја нормализира столицата во случај на пролив. Бананите, исто така, содржат калиум што е мошне корисно ако, на пример, некое време не сте можеле да јадете заради болест.
Анасон – има голема концентрација на антиоксиданти, а одлично делува при гасови и, исто така, ги исфрла отровите од организмот. Едноставно е, изедете половина лажичка семки анасон или грицкајте свеж анасон кога патите од надуеност.
Тост – речиси и нема смисла да се споменува тостот, затоа што веќе сите знаат, но не е лошо и тој да се стави на оваа листа. Одличен е ако имате проблеми со желудникот. Намачкајте го со малку џем или мармалад и таков оброк нема да го вознемири желудникот, а на телото ќе му овозможи доволно количество шеќер и останати хранливи материи.
