Правилата за одржување на основната хигиена на забите се сведуваат на редовно миење, односно миење на забите по секој оброк. Но, не секогаш сме во можност тоа да го направиме, бидејќи немаме постојано со нас четка за заби, но затоа може да искористиме некои природни чистачи на забите.
Стручњаците истакнуаат дека грицкањето на крцкаво и тврдо овошје и зеленчук, влијае на лачење на плунка која уништува некои бактерии и забен камен.
Јаболко
Јаболките содржат фосфор и калциум, па така, со нивно консумирање се спречува развој на кариес. Научно е докажано дека ова овошје подобро ги чисти забите од било која четка, делувајќи двојно- механички и физички.
Свеж морков
Џвакањето морков го стимулира производство на плунка, која ги уништува бактериите.
Целер
Целерот делува на зголемено лачење на материи кои ги уништуваат бактериите и кариесот. Освен тоа, овој зеленчук навистина има улога на четка, бидејќи кога се џвака навлегува меѓу забите и ја чисти усната шуплина.
