Хипертензија или висок крвен притисок е проблем кој не би требало да се занемарува со оглед на тоа дека го зголемува ризикот од срцеви заболувања, мозочен удар и болести на бубрезите. Покрај терапијата препишана од лекар, би требало да се поведе сметка и за исхраната и да се вклучат повеќе намирници чии активни состојки можат да помогнат при зголемен притисок.
Тоа е најпрво цвеклото, кое благодарение на азот-оксидот кој го содржи доведува до опуштање и ширење на крвните садови и со самото тоа и до намалување на крвниот притисок. И лукот го содржи ова соединение, па на ист начин помага кај споменатите тегоби.
Зелениот листест зеленчук (зелена салата, спанаќ, блитва, кељ, рукола), како и слаткиот компир (батат), бананите и тиквата содржат калиум кој им помага на бубрезите во елиминирањето на натриумот од организмот и на тој начин го регулира притисокот.
Флавоноидите од зрнестото овошје (јагоди, малини, капини, боровинки, брусница) играат важна улога, како во превенцијата така и во регулирањето на крвниот притисок.
Овесот го намалува притисокот кај луѓето со блага и гранична хипертензија – причина плус денот да го почнете со овесна каша.
Семките од тиква и сончоглед се одличен извор на калиум и магнеизум кои поволно делуваат на притисокот.
Маслиновото масло обилува со здрави масти и содржи полифеноли кои делуваат антиинфламаторно и антихипертензивно.
