Во последно време се повеќе се зборува за додатоците во исхраната со колаген. Колагенот ја одржува нашата кожа младешка и затегната, додека истовремено го поддржува и здравјето на дигестивниот тракт, мускулите, коските и ’рскавицата. Меѓутоа, со оглед на тоа дека нашиот организам сам создава колаген, не мораме веднаш да земаме суплементи, туку можеме да се потрудиме да консумираме повеќе храна која поттикнува синтеза на колагенот и го штити телото од губитокот на овој протеин. Тоа е пред се:
– Храна богата со протеини: супа од говедски коски, јајца, јаткасти плодови, семки, мешунки (особено соја и производи од соја).
– Намирници богати со глицин, една од аминокиселините во колагенот: семки од сусам, сончоглед и тиква, алги како што се спирулина и нори, спанаќ и поточарка.
– Прехранбени извори на цинк: интегрални житарки, семки од тиква, морски плодови.
– Намирници богати со бакар: ореви, семки, зелен листест зеленчук, црн дроб, морски плодови, спирулина, црно чоколадо.
– Овошје и зеленчук богат со витамин Ц: пиперки, цитруси, киви, брокула, зелка, магдонос.
– Зеленчук богат со холорофил: блитва, кељ, спанаќ, брокула, рукола.
– Храна и напитоци кои содржат катехеини: зелен чај, какао, јагодесто и зрнесто овошје, кајсии, јапонски јаболка.
