Првото правило до кое треба да се држиме кога навечер ќе ни се пријаде е дека не треба да се претерува. Доцниот оброк може да го поремети сонот, затоа не е важно само количеството, туку и што се јаде.
НЕ на чоколадото
Освен што лошо ќе влијае на сонот заради шеќерот што го содржи во себе, чоколадото може да содржи и високи дози на скриен кофеин. Дозите не се големи, но се доволни да ги запрат хемикалиите кои го подготвуваат мозокот и телото за сон. Истото важи и за некои видови чај, па дури и за кафето без кофеин, бидејќи може да содржат дози кои се доволни да ги пореметат овие хемиски процеси.
НЕ на масната храна
За да се сварат мастите од храната треба повеќе време. Ова е добра вест ако сакате да сте сити подолго меѓу два оброка, но не и за пред спиење. Значи, млеко, јогурт, авокадо, јаткасти плодови, сладолед, путер треба да се одбегнуваат. А најлошо можеби е да се јаде сирење.
НЕ на киселите намирници
Околу 10 проценти од луѓето патат од рефлукс, а многумина не знаат дека причина за тоа би можела да биде киселата храна која се консумира навечер. Значи, заборавете на сите оброци базирани на сок од домати кои се мошне кисели, а истото важи и за зачинетата и пржена храна.
НЕ на алкохолот
Го попречува ритамот на спиење, па затоа треба да се одбегнува. Иако може во одредена мера да помогне да заспиете, сепак треба да се знае дека ќе го отежни длабокиот, окрепнувачки сон.
