Протеините се макронутриенти кои се неопходни на човековиот организам, бидејќи учествуваат во изградбата на мускулната маса, и го одржуваат здравјето на косата и ноктите. Се сретнуваат во многу намирници, особено во месото. Секој човек дневно треба да внесе околу 75 грама протеини преку исхраната, но тоа зависи и од телесната тежина и од физичката активност.
Внесувањето на протеините е многу важно и за лицата кои не јадат или пак не се љубители на месото. За среќа, постојат многу намирници кои се многу богати со протеини и треба да се вклучат во секојдневната исхрана.
Семе од коноп
Конопот станува сѐ попоуларна билка, со оглед на тоа дека се отјкриваат нејзините предности за човековото здравје. Семките изобилуваат со протеини и омега 3 масни киселини и омега 6 здрави маснотии. Можат да се додадат во смути, салати, сендвичи…
Зелен грашок
Една од намирниците кои сите ги имаме во домот, а најчесто го консумираме како вариво, супа или додаток. Богат е со протеини и влакна, а содржи малку калории, па е одличен избор и за оние кои сакаат да ослабат.
Киноа
Киноата е семе кое се нарекува и псевдожитарка, а исклучително е богата со протеини, влакна, витамини и минерали. Во споредба со други житарки киноата е комплетен протеин, бидејќи ги содржи сите 9 есенцијални аминокиселини
