За цинкот често се зборува како минерал кој го одржува имунитетот јак, но тоа не е се. Цинкот е важен за превенцијата од хроничен замор, репродуктивно здравје, здрав и убав изглед на кожата, одржување на менталното здравје, како и превенција на болести на простата.
Месото како што е говедското и јагнешкото, претставуваат одличен извор на цинк. Потоа тука се морските плодови, јајцата и млечните производи. Мешунките како што се леблебијата и леќата се богати со цинк, како и какаото, индиските ореви и семките од тиква.
