Правилото за консумирање на храна која е добра за срцето е прилично едноставно: избегнувајте храна со многу холестерол и сол и прескокнете ги масните делови од месото.
Меѓутоа новите истражување малку ги комплицираат овие совети. Само во последните неколку години, истражувања покажале дека холестеролот, натриумот и мастите, класични негативци за срцето, не се толку штетни колку што претходно се мислеше. Се разбира, и понатаму е многу важно што јадеме, па во продолжение ви донесуваме избор на храна која треба да ја избегнувате ако сакате да го зачувате здравјето на вашето срце.
Газирани сокови
Таканаречените „едноставни шеќери“, како што се оние кои се наоѓаат во газираните пијалаци, може да предизвикаат воспалителни процеси и да го зголемат нивото на шеќер во крвта. Сето ова ќе направи дополнителен притисок врз крвните садови и ќе го зголеми ризикот од кардиоваскуларни заболувања. Колку повеќе пиете газирани сокови, толку е поголем ризикот.
Десерти
Храната која во себе содржи шеќер, кафеав шеќер, пченкарен сируп, јаворов сируп, мед, меласа и други засладувачи може да предизвика повисоко ниво на оксидативен стрес. Како резултат на тоа, овие десерти, како што се питите и колачите, може да доведат до запушување на крвните садови, висок крвен притисок, затајување на срцето и останати кардиоваскуларни болести.
Рафинирани јаглехидрати
Рафинираните јаглехидрати се преполни со шеќер и разни адитиви, кои во никој случај не се добри за вашето срце. Зачините како кечап и преливи за салата, како и купечки сосови за тестенини, лебот и безмасниот јогурт се најчестите извори на шеќер и рафинирани јаглехидрати.
Маргарин
Неодамнешните истражувања ги потврдија тврдењата дека путерот не е штетен за вашето срце. Од друга страна, маргаринот е извор на нездрави трансмасни киселини, кои го зголемуваат ризикот од кардиоваскуларни болести.
Сланина
Иако заситените масти полека ја губат лошата репутација, масните делови на месото како што се сланината и ребрата можат да создадат проблеми со вашето срце. Иако постојат бескрајни дебати за тоа дали црвено месо е навистина штетно за срцето, најдобрата опција во меѓувреме, е консумација на полесните делови од месото.
Виршли и колбаси
Обработено месо, како што се виршлите и колбасите обично се преполни со различни адитиви, кои се поврзуваат со зголемен ризик од срцеви заболувања. Иако се уште не се знае точно кои адитиви се причина, најдобро е да ги тргнете од своето мени или да ја сведете нивната консумација на минимум.
