Нутриционистката Јулија Клокнер предупредува дека треба да ги елиминираме мастите и солта од храната. Оние кои мислат дека се заштитени ако не јадат пица и чоколадни слатки се во голема заблуда. Неодамнешно истражување покажало дека Германците во просек годишно јадат по 35 кг шеќер, што значи по 100 г на ден.
Според предупредувањето на Светската здравствена организација, дневниот лимит би требало да биде само 25 г. Проблемот е во тоа што веќе со чинија житарки и млеко имаме 50 г шеќер во организмот. Што се однесува до другите нам омилени намирници, во белото вино се крие по една коцка шеќер во секоја чаша, конзервираната храна содржи и до 20 коцки шеќер колку што има во ананасот, а во 50 г мусли има дури 7 коцки шеќер или 21 г.
Во 150 грама овошен јогурт има 4 коцки шеќер, а една лажица кечап во себе крие една коцка шеќер. Солта го подобрува вкусот на храната, но бидете внимателни. На жените им се потребни 8,4 грама, а на мажите 10 грама сол дневно. Препорачаната доза во некои земји е само 6 грама, а намалувањето на солта е речиси невозможно затоа што ја има и во слатките. Во 100 г салама има 5,4 г сол, слаткиот кекс има 1,53 г сол на 100 г што е повеќе од чипсот кој има 1,3 г сол во 100 г.
Не се сите масти лоши, но мошне е важно да го ограничите нивниот дневен внес. Здравите масти се кријат во рибата и оревите, а работата е во тоа дека е невозможно во целост да се избегнат. Едно јајце содржи 7 грама масти, ако јадете само белка, а сосе жолчката има 18 грама. Стапчињата од риба во 100 грама имаат 7,7 грама сол и 8,5 грама масти. Кашкавалот е оној што најмногу не збунува. Во гаудата, на пример, која има 45 отсто масти 30, 8 грама масти во 100 грама од овој кашкавал.
