Овие две состојби имаат сличност и понекогаш е тешко да се разликуваат.
ШТО Е ИНФАРКТ?
Тоа е состојба на најтешка компликација на атеросклероза (болест на срцето) при која со целосно запушување на еден од големите крвни садови, кои го хранат срцевиот мускул, настапува поголемо илии помало изумирање на срцевите клетки со последично намалување на функцијата на срцето како пумпа. Најважен субјективен знак кој буди сомнеж на настанување на срцев инфаркт е силна градна болка која треа подолго од 20 минути или се зголемува во интензитет. Според проф. Тамара Хорвич,
Ова се јасни знаци на инфаркт:
- Непријатно чувство во градите
- Болка во горниот дел на телото
- Чувство на товар во градите
- Забрзана работа на срцето
- Мачнина или студена пот
- Вртоглавица
- Симптоми слични на грип
- Бледо лице
- Чувство на “пропаѓање“
Според лекарката, болката во градите е познат симптом за срцев инфаркт, но не е секогаш присутен, особено кај жените. Иако се јавува и кај мажите и жените, почесто се јавува во подоцниот животен период во споредба со нападите на паника. Симптомите на инфаркт траат околу 30 и повеќе минути, а ризик фактори се:
- Пушење
- Висок крвен притисок
- Холестерол
- Хроничен стрес
- Недоволна физичка активност
ШТО Е НАПАД НА ПАНИКА?
“До напад на паника доаѓа кога лицето доживува силен страв или нелагодност која за неколку минути доаѓа до пикот“, појаснува проф. Хорвич.
Може да го поттикне стрес, како на пример при важна презентација или по добивање отказ. Но, кај некои лица не постои јасна причина зошто го доживуваат.
Ова се симптомите:
- Болка во градите
- Срцебиење
- Потење
- Тешко дишење
- Страв од смрт
- Страв од губење контрола
- Вртоглавица
- Мачнина
- Трнење
Според проф. Хорвич, оваа состојба почесто се јавува кај жените на возраст помеѓу 18 и 25 години. Кај некои лица се случува само еднаш, додека кај други многу почесто. Понекогаш лицето кое го доживеало паничниот напад постојано живее во страв од повторување на истиот.
Ова се совети како можете да го скратите неговото траење или целосно да го спречите:
- Длабоко дишење
- Лесно вежбање
- Разговор со пријатели
- Медитација
