Ритуалот на пиење кафе е една од најраспространетите навики во светот. Љубителите на топлата напивка се подготвени да уживаат во неа во секој дел од денот, но нутриционистите препорачуваат дека постои оптимално време во текот на денот, кога пиењето кафе најмногу ќе му годи на организмот. Затоа важно е да знаеме кога е најдоброто време да пиеме кафе, за да не разбуди, ама да не не возбуди, за да не релаксира, ама да не нѐ остави без сон и да не ни создаде други проблеми.
Лаура Ципуло, нутриционист, вели дека навиката да се пие кафе наутро, пред појадок е лоша, иако ја практикуваат милиони луѓе низ светот. Тоа, вели Ципуло, не прави хиперактивни, бидејќи телото по будењето е сѐ уште е под влијание на хормонот за стрес, кортизол.
Најдобро време за пиење кафе е околу три часа по будењето, за кое проценува дека е помеѓу 9 и 11 часот.
Пиењето кафе во поладневните часови, после 15 часот, а за чувствителни луѓе и порано, или, пак, во вечерните часови не се препорачува. Кафето има кулминација на неговиот ефект врз телото 30 до 60 минути по пиењето, но тој ефект се продолжува и до 6 часа по пиењето, што значи дека може да влијае на подготвката на телото за спиење.
