Високиот крвен притисок значи дека крвта ги притиска крвните садови посилно од што би требало. Со текот на времето може да дојде до оштетувања на ѕидовите на крвните садови, може да дојде до блокирање на артериите и недостаток на кислород во телото. Доколку не се лекува може да има дури и фатален исход, високиот притисок речиси и да нема симптоми, па заради тоа го нарекуваат „тивок убиец“.
Мерките на превенција се прилично едноставни, а со мали промени во исхраната и животниот стил може многу да постигнете.
Би требало да го намалите внесот на сол и да јадете повеќе овошје и зеленчук. Исто така, научните истражувања покажале дека помагаат и овие напитоци:
Зелен чај
Голема студија од 2004 година, која анализирала 25 независни научни истражувања на оваа тема покажале дека со редовно консумирање на зелен чај во период од 12 недели или подолго ќе се намали крвниот притисок.
Сок од цвекло
Истражување спроведено во Лондон покажало дека чаша свеж сок од цвекло еднаш дневно помага во враќањето на притисокот во здрави граници. Овој ефект се постигнува благодарение на високата содржина на нитрати во цвеклото, се наведува во студијата на Британската фондација за срце. Научниците сепак препорачуваат цвеклото да не се готви. Можете да го консумирате приготвено на пареа или како сок, така е најздраво.
Комбуха
Има висок процент на пробиотици. Овој напиток помага во зачувувањето на здравата рамнотежа на добрите бактерии во цревата и редовното консумирање во текот на осум недели може да помогне во намалувањето на покачениот притисок.
