Нема човек кој барем еднаш во животот не се соочил со несоница, и тоа не е проблем. Страшно е ако мака мачите да заспиете секоја вечер и единствен спас ви се таблетите за спиење. Но има и друго решение! Постојат неколку природни напитоци со чија помош побрзо и полесно ќе заспиете.
Сок од вишни
Сокот од вишни содржи триптофан и мелатонин. Триптофанот е аминокиселина која помага при синтетизирање на серотонинот. Мелатонинот, пак, е регулатор на сонот и неговото ниво во телото зависи од серотонинот. Ако често не можете да спиете, набавете си природен сок од вишни или чувајте одредена количина во замрзнувачот од која секогаш можете да приготвите вкусен сок, кој притоа ќе ви биде од голема помош.
Чај од лаванда
Лавандата е позната по своите смирувачки и релаксирачки својства. Чајот ќе го приготвите едноставно така што лаванда ќе ја прелиете со зовриена вода и ќе ја оставите да стои најмалку 10 минути.
Златно млеко
Станува збор за комбинација од млеко, куркума и зачини, која ќе го релаксира вашето тело, а во исто време е и исклучително здрава.
