Човек е млад се додека така се чувствува, но општеството, сепак, има некој свој став околу тоа кога престануваме да бидеме млади.
Според резултатите од последната анкета која ја спроведе YouGov, младите Британци прилично јасно ја дефинираат младоста, средовечноста и староста.
Според анкетата, младоста почнува да „исчезнува“ на возраст од 29 години
Имено, како што покажуваат резултатите, кога ќе наполните 30 години, повеќето луѓе веќе не ве сметаат за млади. Останува нејасно на која група и припаѓате по 30 роденден, бидејќи учесниците во истражувањето јасно истакнале дека средовечноста настапува дури во 47 година.
Староста почнува во 70 година, но не верувајте во сè што ќе слушнете. Повеќето од испитаниците во анкетата биле под силно влијание на сопствените години, пишува „Independent“.
Влијанието на годините најмногу го демантираа триесетгодишниците, а добар дел од од нив не знаеја ни во која категорија да се сместат. Дури 33 отсто од нив рекле дека се средовечни, 32 отсто веруваат дека се млади, а останатите 30 отсто рекле дека не припаѓаат во ниту една категорија.
