Научници од Сианскиот универзитет во Кина направиле нов тип на леплив хидрогел кој ќе го промени пристапот кон лекувањето на рани. Во пракса тој може да ја замени преврската и голем дел од лекарствата.
Антибактерскиот гел врши одлична работа при рани кои се наоѓаат на тешко достапни места за преврска бидејќи, како што објавија кинеските научници, буквално ја запечатува повредената површина.
На овој начин гелот ја затвора цврсто раната и истовремено ја штити од штетни надворешни влијанија, спречувајќи можен развој на инфекција.
Во исто време гелот го запира крварењето и го забрзува процесот на опоравување и заздравување на раната. Исто така, не предизвикува непријатност како што е случај со традиционалните завои и преврски, велат експертите.
